FIN DE SEMANA: AS NOSAS LETRAS. Propostas para tempo de lecer (VIII)

APOIA AS NOSAS LETRAS E ÓS NOSOS AUTORES, MERCA NAS NOSAS LIBRARIAS

O NARANXO NO TRASMUNDO. Relatos. Galegos. Inma Vilariño Vázquez. Editorial Fervenza

O Naranxo no Trasmundo é primeira obra literaria da periodista lalinense Inma Vilariño, publicada por Edicións Fervenza co apoio económico da Xunta de Galicia, da empresa lalinense GSI Dotación Industrial e do Restaurante Enxebre Porta do Sol de Lamela. O libro artéllase nunha historia de pequenas historias que inciden na recuperación do noso patrimonio material e inmaterial, legado que ten como destinatario a xente nova, por medio do personaxe popular do Naranxo (o noso tolo).

O Naranxo narra en primeira persoa desde o alén, desde o Trasmundo onde vive tras a súa morte terreal, e desde onde nos vai contando peripecias con outros personaxes de Lalín (Laxeiro, Ramón Mª Aller, Joaquín Loriga, o matemático Rodríguez, Daniel Varela Buxán, Antón Lamazares, Daniel González Alén, María Lajosa, Paco Lareo, Alfonso Sucasas, Plácido Rozas ou a condesa Pardo Bazán); do Deza (Ramón de Valenzuela…) e de Galicia (Domingo Fontán, Isaac Díaz Pardo, Álvaro Cunqueiro, o alemán de Camelle, Ruth Matilda Anderson, Urbano Lugrís…).

“SOLO SOY YO”. Poesía. Castelán. Sonia María Piñeiro Rios. Círculo Rojo Editorial

A Casa da Cultura de Porto do Son acolle estes días a presentación da obra poética desta escritora galego-peruana. Noites escuras nas que os demos se fixeron letra formando os pecados dunha mente fragmentada, do caos e as chamas saen estes fragmentos.

Sonia María Piñeiro Ríos naceu en Trujillo, cidade señorial do Perú, capital da eterna primavera. Desde pequena, entusiasta lectora, ávida de coñecementos, elixiu a lectura como compañeira de vida, decantándose polas narrativas de mulleres reais como, por exemplo, o libro autobiográfico de Waris Dirie. Grazas a iso, creou o seu propio mundo, onde podía desenvolver a súa vea creativa.

Actualmente, estuda Logopedia na Universidade da Coruña, onde reside actualmente. Sendo filla dun matrimonio galego/peruano, se enorgullece da súa mestizaxe.

 TRÁVELIN. Novela. Galego. Antonio Piñeiro. Xerais Narrativa

O mundo editorial galego vén este outono que se aveciña ateigado de novidades, unha manda considerábel de libros que nos van axudar a sobrelevar os reveses pandémicos e a volta definitiva dos temporais e outras inclemencias e adversidades. Entre as principais novidades da tempada está, este mes de setembro, a novela Trávelin do ribeirense Antonio Piñeiro, gañadora da vixésimo sétima edición do Premio Manuel Lueiro Rey de Novela Curta convocado polo Concello do Grove, cun prestixioso xurado formado por Alberto Avendaño, Armando Requeixo, Ánxela Rodríguez, Mario Regueira e Ignacio Vidal Portabales.

MAXIMA OU A FILLA ESPURIA. Novela. Galega. edición facsimilar. Editorial Galaxia coa Real Academia Galega

A primeira novela contemporánea das letras galegas, ‘ Maxina ou a filla espuria’, regresa ás librerías 141 anos despois da súa publicación a través dunha edición especial que presenta a obra ao público lector do século XXI e inclúe a reprodución facsimilar o manuscrito conservado no arquivo da Real Academia Galega (RAG).

Marcial Valladares (1821-1903) escribiu ‘ Maxina ou a filla espuria’ en 1870, pouco despois de terminar a versión inicial do seu dicionario galego-castelán, o primeiro gran dicionario da lingua galega e a obra que reportou un maior respecto entre os coetáneos.

Pero o protagonista do Día dás Letras Galegas de 1970 tamén foi gramático e desenvolveu unha notable recollida de cantigas e refráns. Ademais, tal e como lembra a RAG nun comunicado, mereceu un lugar destacado no Rexurdimento como pioneiro no uso do galego como poeta e autor de Maxina.

Aínda que inicialmente a edición semifacsimilar da obra ía ser presentada o miercóles ás 19,00 horas no a parroquia de Berres, na Estrada, finalmente o acto terá lugar no Teatro Principal #ante a previsión de choiva.

A Editorial Galaxia volve levar ás librerías esta peza coa colaboración da Real Academia Galega e a secretaría xeral de Política Lingüística. A dixitalización do manuscrito conservado na RAG foi realizada por Unayta.

O presidente da Real Academia Galega, Víctor F. Freixanes, participará na presentación do volume cando o director xeral de Galaxia, Francisco Castro; o responsable da edición, Xesús Domínguez Doo; o alcalde dá Estrada, José López; e o secretario xeral de Política Lingüística, Valentín García.

‘ Maxina ou a filla espuria’ publicouse por primeira vez en 1880, o mesmo ano que ‘ Follas Novas’ de Rosalía de Castro. A obra viu a luz en 16 entregas na revista ‘A Ilustración Galega e Asturiana’, dirixida por Manuel Murguía.

Seguindo os trazos do folletín, a novela narra a historia desgraciada de Otilia de Sancti- Petri, unha moza da burguesía compostelá que é violada nun baile de máscaras e queda embarazada dunha filla á que chamará Maxina. A pequena será criada por dous campesiños, Inés e Caitán, xunto ao seu medio irmán Ermelio, afillado de Salvio, o señorito de Rebordán, namorado e pretendente de Otilia.

Propostas anteriores:

VII- 14 de agosto de 2021

VI- 7 de agosto de 2021

V- 31 de xullo de 2021

IV- 24 de xullo de 2021

III- 17 de xullo de 2021

II- 10 de xullo de 2021

I-  3 de xullo de 2021