FIN DE SEMANA: AS NOSAS LETRAS. Propostas para tempo de lecer (III)

18 Xullo 2021

APOIA AS NOSAS LETRAS, MERCA NAS NOSAS LIBRARIAS

“COMO ATOPAR LIBROS GALEGOS EN INTERNET”. Henrique Neira Pereira, Editorial: Grupo Código Cero Comunicación- O Barbanza. Unha guía de balde axúdanos a atopar libros galegos na Internet.

O Barbanza, en colaboración coa Secretaría Xeral de Política Lingüística no marco da iniciativa #aculturasegue, queremos ofrecer aos nosos seareiros unha pequena obra do profesor, xornalista e colaborador habitual das nosas publicacións, Henrique Neira, Como Atopar Libros Galegos en Internet. Unha guía de recursos en liña, nunha edición a na que se recollen páxinas web onde atopar libros de balde.

Os interesados terán referencias das bibliotecas virtuais galegas e doutras páxinas web galegas, españolas e internacionais que achegan libros. Completan a obra anexos nos que se recollen unha carta de navegación para o océano da información, libros e soportes, bibliotecas virtuais, un  glosario e bibliografía. A obra está dirixida non só aos interesados en libros galegos senón tamén ao profesorado e alumnado de todos os ciclos educativos para que sirva de recurso.

É evidente que non están todos os recursos existentes, polo que agradécese o envío de información sobre páxinas web e outros recursos que non figuren na guía para a súa incorporación na vindeira edición. A obra é de difusión gratuíta.

HEMISFERIO AUGA”. Poemas. José Carou Rey Editado por Medulia Editorial

O autor rianxeiro José Carou Rey presentou recentemente en Rianxo o seu poemario “Hemisferio auga”. A auga en todas as súas dimensións, sexa en forma de bágoa, de mar ou de choiva, é o eixo condutor desde libro de poemas. Auga canalizada por un sentido musical e rítmico dos textos, que fai destas páxinas unha sorte de caderno de bitácora doído polo desamor. As ilustracións de Laíño non só acompañan, senón que complementan o volume redondeándoo e dándolle o seu propio sentido desde un punto de vista artístico.

“Universos”. Poesía. Ignacio Lens Sarasquete. Vadeletras editorial

Talvez a felicidade sexa sentir cóxegas no corazón, perder a cordura, a cabeza e a razón. Talvez o amor, parézase a tocar o ceo coas mans, ou a iso que un sente cando un bico abrázalle, cando un sorriso faise presente. Talvez escribir aseméllase a estar no paraíso e a túa mirada é esa luz que me guía, que me ensina o camiño. Parecerá unha tolemia, pero escribir é como soltar amarras e voar unha aventura.

Trátase da segunda obra do ribeirense que en 2017 editou Versos Diversos 

“Inscricións”. Poemas. Carlos Callón. Editorial Galaxia

O ribeirense Carlos Callón ofrécenos Inscricións, pulsións que atrapa o poeta cando pretende que as palabras sexan marco para o apreixar todo. Estes poemas falan diso. Da morte, da dor, do odio, do amor. Da vida. Todo é todo e todo está en todo. Versos que furan o peito, que mancan. Poeta mancado que fai co poema, bálsamo. Un libro sobre os mapas da alma. E das palabras que o constrúen e rexistran. A morte. A vida. Todo

Propostas anteriores:

I-  3 de xullo de 2021

II- 10 de xullo de 2021

Outros artigos

Ambar organiza unhas xornadas deemprego en Ribeira e Rianxo

A Asociación Ambar das Persoas con Diversidade Funcional organiza este mes de xuño unha actividade para romper barreiras en materia de emprego e igualdade: as Xornadas de Emprego dirixidas a mulleres con diversidade funcional. Desenvolveranse nos concellos de Ribeira...

+

Martes con sol e lixeira baixa das temperaturas

O martes o anticiclón retírase cara ao oeste, polo que se irá perdendo o réxime de ventos do nordés e entrarán ventos máis húmidos de compoñente oeste. Asi comezaremos a xornada cos ceos pouco nubrados ou despexados. A partir do mediodía entrarán as brétemas costeiras...

+

Publicidade

Revista en papel

Opinión

“Eurocopa”. Xulio Xiz

“Eurocopa”. Xulio Xiz

Noto o peso dos anos, máis ca fisicamente nas continuas referencias a tempos idos. E non porque xeneralice a bondade do pasado, que moito habería que matizar, senón porque o paso do tempo me vai permitindo comparar situacións que me parecen aberrantes. O deporte –...