FIN DE SEMANA: AS NOSAS LETRAS. Propostas para tempo de lecer (VI)

APOIA AS NOSAS LETRAS E ÓS NOSOS AUTORES, MERCA NAS NOSAS LIBRARIAS

“Don Carlos e o misterio dos lucecús”. Relatos. Público infantil. Patricia Torrado Queiruga. Baía Edicións

Patricia Torrado é unha sonense que presenta esta fin de semana en Porto do Son o seu primeiro libro que reflexa o entorno que a rodea.

Na vila comezan a xurdir sucesos inexplicables e, por se fose pouco, na casa contáronlles que o seu profesor, o único que os podería axudar a buscar unha explicación a tanto misterio, padece unha enfermidade que lle fai esquecer as cousas. Xiana, Maca, Román, Sofía e Afonso convídante a desentrañar cada misterio coa axuda de don Carlos. Unhas pescudas que vos levarán a valorar o lugar no que vivides, o medio ambiente, as tradicións, o amor e os prexuízos cos que podemos atoparnos todos os días. Acompáñasnos?

Alfonso X e Galicia e unha escolma de cantigas. Escolma. Xosé Filgueria Valverde

A Real Academia Galega editou (RAG) a primeira selección da obra de Alfonso X no ano 1980, cando o Día dás Letras Galegas foi dedicado a este rei ao que se lle atribúen as ‘Cantigas de Santa María’. Agora, con motivo do 800 aniversario do nacemento do monarca, a institución recupera este volume, titulado ‘Afonso X e Galicia: e unha escolma de cantigas’ nunha edición dixital e de acceso libre a través da web academia. gal.

Trátase dunha edición a cargo de Xosé Filgueira Valverde (1906-1996), protagonista das Letras Galegas de 2015, que reuniu e comentou nesta publicación as sete cantigas que teñen unha localización galega clara, xunto a outras catro sobre milagres de peregrinación a Santiago e dúas sobre lendas relixiosas universais. Ademais, esta selección complétase con sete pezas profanas de escarnio e maldicir con referencia a personaxes galegos.

“Esta publicación que agora recuperamos é unha achega singular dun erudito que foi quizais o primeiro especialista en referencia internacional Alfonso X e as ‘Cantigas de Santa María'”, destaca o académico Henrique Monteagudo.

“La restauración del Pórtico de la Gloria”. Documentación. Ministerio de cultura y Deporte

O Ministerio de Cultura e Deporte publicou o libro ‘La restauración del Pórtico de la Gloria de la Catedral de Santiago de Compostela. Documentación, estudos e conservación’, que compendia máis de vinte artigos de distintos autores, conservadores-restauradores, historiadores da arte e especialistas en materiais e técnicas que participaron na intervención do Pórtico. Dispoñible na librería do Ministerio, a edición da obra foi coordinada polo Instituto do Patrimonio Cultural de España ( IPCE).

A publicación recolle os traballos e descubrimentos que se levaron a cabo durante o proceso de restauración desde distintas ópticas. Así, por unha banda, recolle artigos que analizan a historia do Pórtico da Gloria desde distintas perspectivas a partir dos achados atopados: as distintas etapas das decoracións polícromas; a iconografía dos personaxes, as súas vestimentas e códigos; as fases de construción do Pórtico; ou un episodio de gran importancia para este monumento, a réplica que se realizou no s. XIX para ser exposta no Vitoria and Albert Museum de Londres.

“Nunca es tarde para el amor”.

“Nunca é tarde para o amor”. Novela. Quin Cruz.

Este empresario casado cunha ribeirense e asiduo dos veráns en Aguiño sumerxese en Deventer, un pequeno pobo holandés situado á ribeira do río Ijsesel, será testemuña dunha gran historia de amor.
Marlen, unha empresaria xubilada, nai de dous fillos e viúva, coñecerá a Adrián, un novo estudante de arquitectura que traballa como voluntario na residencia á que ela se muda.
Sen propoñerllo, e de maneira repentina, o amor xurdirá entre eles. Ante esta situación, será a diferenza de idade un impedimento para a súa relación? Como verán as súas respectivas familias e amigos a súa historia de amor?
Se crees nas segundas oportunidades e en que nunca é tarde para volver amar, non podes deixar de descubrir esta fantástica historia de amor e paixón.

Parte dos beneficios da novela irán destinados o Banco de Alimentos de Vigo

Propostas anteriores:

V- 31 de xullo de 2021

IV- 24 de xullo de 2021

III- 17 de xullo de 2021

II- 10 de xullo de 2021

I-  3 de xullo de 2021