A constitución das novas corporacións dos concellos de Boiro, Lousame, Mazaricos, Muros, Noia, Outes, A Pobra do Caramiñal, Porto do Son e Ribeira celebranse este venres 7 de xullo. A decisión afectou tamén á Deputación da Coruña, que tampouco pudo poñerse en marcha ata mediados deste mes de xullo.
Tal como informamos en “obarbanza.gal” a Xunta electoral de Noia obrigou ao aprazamento tras desestimar un recurso presentado polo PSOE, cuxo representante de zona denunciou que ao partido impedíranlle comprobar os 900 votos nulos rexistrados.
Os socialistas quedaron a só 10 votos de obter un deputado provincial por este partido xudicial que foi para o BNG.
Aínda que a xunta electoral desestimou a denuncia dos socialistas, sinalou que a xunta de zona de Noia realizou a proclamación dos concelleiros electores nos municipios da zona conforme ao resultado do escrutinio xeral realizado. Unha proclamación que se fixo o pasado venres, 16 de xuño.
Precisamente, a Loreg sinala que as corporacións se constitúen en sesión pública o vixésimo día posterior á celebración das eleccións, salvo que se presentou recurso contencioso-electoral contra a proclamación dos concelleiros electos, en cuxo suposto se constitúen o cuadraxésimo día posterior aos comicios. Fontes socialistas confirmaron a súa intención de non presentar recurso contra a desestimación.
Ribeira, A Pobra, Outes, Noia e Muros parecen selos concellos onde existen máis dúbidas aínda que nalgúns deles existen preacordos.
Mentres en Ribeira existe un pacto a tres BNG, PBBI e PsdeG-Psoe, que daría a alcaldía ós nacionalistas, en A Pobra Nós Pobra non acepta a proposta do BNG de pactar deixando fora o equipo actual o que permitiría o PP asumila alcaldía por sela candidatura máis votada. En Outes un acordo de goberno entre Compromiso Outes, BNG e PsdeG-Psoe para a lexislatura 23-27 mantería o actual rexedor na alcaldía.
En Noia, mentres o BNG rexeita un cuadripartito cunha alcaldía compartida entre Marisol Villar e Fran Pérez polo que unha alianza entre independentes e PP perfílase como a opción máis viable de fronte ao pleno de mañá. A primeira hora da tarde o BNG informaba que finalmente decidia entregar a alcaldía de Noia ao Partido Popular. En Muros BNG e PSOE están próximos a un pacto para formar un bipartito.
Polo demáis Boiro co PSdeG-Psoe e O Son e Lousame co PP de Galicia, teñen a situación máis clara. Rianxo con Julián Bustelo de “Rianxo en Común” o depender doutra demarcación elixíu xa o alcalde.
