O Concello de Boiro está a traballar para levar a cabo os protocolos de
seguridade necesarios en canto aos servizos turísticos para podelos
restablecer. Esta fin se semana vaise abrir e poñer en funcionamento o
aparcamento de autocaravanas de Praia Xardín, con aforo limitado e
cumprindo coas medidas de seguridade esixidas.
Nas últimas semanas estívose traballando no acondicionamento do
espazo, realizando tarefas de desbroce e mantemento. Tamén se están
cambiando os paneis informativos do aparcamento, para indicar os protocolos
de seguridade e as normas de uso das instalacións e servizos.
O aforo do aparcamento reduciuse á metade, para poder garantir os
protocolos de seguridade, habendo así espazo para 22 autocaravanas. As
prazas de estacionamento están delimitadas e sinalizadas nas que se pode
estacionar e nas que non. Tamén se limitou o horario de pertenza no mesmo,pasouse de 72 a 24 horas.
