Redemar aproba os proxectos de investigación Volaria e Octosan sobre a volandeira na ría de Vigo e o ciclo vital do polbo

20 Febreiro 2025

Estas iniciativas contan coa participación do CSIC, o Intecmar, a Universidade de Vigo, a Asociación de Marisqueo a Flote Ría de Vigo e as confrarías de Bueu, Baiona, Ribeira, e Fisterra

A directora xeral de Desenvolvemento Pesqueiro preside a xuntanza de Redemar e aproba dous novos proxectos de investigación

A directora xeral de Desenvolvemento Pesqueiro, Marta Villaverde, presidiu hoxe a xuntanza ordinaria da Rede entre o sector pesqueiro e os organismos científicos autonómicos, Redemar, na que se aprobaron dous novos proxectos de investigación centrados no desenvolvemento sostible dos recursos mariños.

O primeiro dos proxectos, Volaria, está liderado polo CSIC e conta coa colaboración da Asociación de Marisqueo a Flote Ría de Vigo, o IIM-CSIC, Intecmar e a Universidade de Vigo. O obxectivo principal desta iniciativa é investigar os factores biolóxicos que condicionan a comercialización da volandeira na ría de Vigo, abordando distintas perspectivas e analizando ventás temporais ou rangos específicos de tamaño.

O segundo proxecto aprobado, denominado Octosan, é un estudo que ten como finalidade afondar no ciclo vital do polbo nas poboacións naturais, analizando a súa saúde e capacidade de defensa fronte aos estresantes ambientais derivados do cambio climático. Este proxecto busca mellorar a xestión deste recurso mariño e garantir a súa sostibilidade para responder á demanda dos mercados, a través do coñecemento dos efectos provocados pola presenza de patóxenos oportunistas e outros agresores externos.

Ambos proxectos, que serán desenvolvidos até o ano 2027, contarán cun orzamento conxunto de 350.000 euros e serán avaliados en futuras xuntanzas de Redemar. Nestas xuntanzas, o socio líder de cada proxecto presentará o avance das tarefas e o cumprimento do cronograma previsto, así como a xustificación dos entregables comprometidos. Tamén se acordou que, nas próximas reunións, sexan os representantes das entidades líderes e os investigadores principais os encargados de presentar novas propostas de iniciativas que poidan ser desenvolvidas por Redemar.

Esta colaboración entre o sector pesqueiro e os organismos científicos autonómicos reafirma o compromiso por unha xestión sostible e científica dos recursos mariños.

Outros artigos

O Concello de Noia amplía a rede de saneamento en Sueiro

O Concello de Noia prosegue a súa actividade nas parroquias, mellorando servizos básicos, e os días pasados iniciou os traballos para ampliar a rede de saneamento en Sueiro, na parroquia de Argalo. A intervención achegará ás veciñas e veciños 100 metros de...

+

Publicidade

Revista en papel

Opinión

“De tanto falar, equivócanse”. Luís Celeiro

“De tanto falar, equivócanse”. Luís Celeiro

Cando se pare, se se da o caso, os corredores pedestres non terán por onde andar, quedaransequietos, como enterrados no abismo. Mirarán para tódolos lados, acordaranse da importancia dosmovementos á dereita e á esquerda, e seguirán tesos alí na entrada da sima, na...

“Cuando yo no esté” – Manuel Domínguez

“Cuando yo no esté” – Manuel Domínguez

Esto es una creación literaria, nada personal de nadie. Cuando yo ya no este. Tu hijo, mi nieto se subirá a lo alto del naranjo, le dirás, te pareces al abuelo, él cuándo niño se subía a los árboles y me enseño a subir a mí, después te enseñare una foto. Desearas que...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.