A xunta de goberno local de Rianxo aprobou as bases do servizo gratuíto de préstamo de axudas técnicas do Concello.
Trala publicación das bases no Boletín Oficial da Provincia as persoas interesadas que cumpran os requisitos poderán formular a súa solicitude. Nesta fase inicial do servizo cóntase cos seguintes elementos: catro camas con carro elevador, tres guindastres (grúas) eléctricos e catro asentos xiratorios de baño. O obxectivo é que as familias rianxeiras con persoas dependentes e ingresos inferiores a cinco veces o IPREM poidan acceder de forma gratuíta a este tipo de elementos que melloran o día a día das persoas doentes, así como o das persoas coidadoras.
