Portugal elimina as peaxes nas autovías, incluidas as que conectan con Galicia

02 Maio 2024

Desde o un de xaneiro, xa non haberá que pagar os actuais dous euros e 40 céntimos por ir de Galicia ao Porto en coche

As SCUT, acrónimo de Sen Custo para o Utilizador, naceron como autovías libres de peaxes, como a A-28 que conecta Camiña co Porto a través de Viana do Castelo. Para os galegos, supuxeron unha alternativa gratuita á autoestrada que cruza o norte do país.

Pero en 2011, durante o rescate financeiro, Europa obrigou a establecer peaxes nestas vías, cambiando radicalmente a situación. Agora, 13 anos despois, a situación volve ao punto inicial.

A proposición foi presentada polo Partido Socialista, e recibiu apoio dos grupos de esquerda e, á última hora, dos 50 deputados do ultradereitista Chega.

Esta medida significa o retorno da gratuidade a media ducia de autovías portuguesas, incluíndo a A-24 (que conecta Viseu con Chaves e Verín) e a A-28.

Dende o primeiro de xaneiro, xa non haberá que pagar os actuais dous euros e 40 céntimos por ir de Galicia ao Porto en coche. Para os transportistas, o aforro será aínda maior, xa que a peaxe para vehículos de maior tonelaxe é actualmente de algo máis de 6 euros.

Ademais, rematarán as multas aos condutores inadvertidos que cruzan baixo os arcos de cobro automático.

O Goberno portugués do Partido Socialdemócrata encaixa a súa primeira gran derrota a dous meses da chegada ao poder cunha medida que deixará o Estado sen 157 millóns de euros anuais.(TVG)

Outros artigos

Publicidade

Revista en papel

Opinión

“De tanto falar, equivócanse”. Luís Celeiro

“De tanto falar, equivócanse”. Luís Celeiro

Cando se pare, se se da o caso, os corredores pedestres non terán por onde andar, quedaransequietos, como enterrados no abismo. Mirarán para tódolos lados, acordaranse da importancia dosmovementos á dereita e á esquerda, e seguirán tesos alí na entrada da sima, na...

“Cuando yo no esté” – Manuel Domínguez

“Cuando yo no esté” – Manuel Domínguez

Esto es una creación literaria, nada personal de nadie. Cuando yo ya no este. Tu hijo, mi nieto se subirá a lo alto del naranjo, le dirás, te pareces al abuelo, él cuándo niño se subía a los árboles y me enseño a subir a mí, después te enseñare una foto. Desearas que...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.