O Concello de Boiro organiza este mércores dúas actividades de divulgación e formación ao abeiro do ciclo Muller e Saúde, desenvolvido polo Consistorio e o Centro de Información á Muller (CIM) local no marco das actividades do 8M.
Este mércores 20 de marzo ás 11.00 horas o Centro de Saúde de Boiro acolle unha charla sobre alimentación na etapa da menopausa. Trátase, máis en concreto, da charla Premenopausa: cambios hormonais, alimentación e prevención de patoloxías. Inscrición previa no CIM de Boiro mediante o enderezo electrónico cim@boiro.org ou o teléfono 981 84 48 00 ext. 1258.
Na mesma xornada deste mércores, ás 16.00 horas, o Centro Social de Boiro albergará a charla Sexualidade en mulleres adultas realizada no marco das actividades do programa Muller e Saúde que desenvolve o Concello de Boiro. Inscrición previa no CIM de Boiro mediante o enderezo electrónico cim@boiro.org ou o teléfono 981 84 48 00 ext. 1258.
