O Concello de Rianxo, a través da súa Área de Cultura, compartiu a axenda de actividades que están prevista para este ecuador do mes de marzo, unha axenda na que tamén colaboran arreo as entidades culturais e as asociacións con sede no municipio.
Martes 12 de marzo
16.30 h. Salón de actos do Auditorio (Rianxo). 8M Charla Muller e saúde. A menopausa.
Venres 15 de marzo
18.00 h. Sala Arcos Moldes do Auditorio (Rianxo). Teatro, Confi. O Golfiño Manoliño.
Coa misión de difundir a defensa do medio ambiente, CONFI, O GOLFIÑO MANOLIÑO é un espectáculo de teatro documento. Narra os feitos reais da loita pola supervivencia de Manoliño.
DURACIÓN: 50 minutos. PÚBLICO: familiar, destinado a crianzas a partir de 3 anos. ENTRADAS: de balde ata completar capacidade, retirada de convites dende unha hora antes do comezo da función na billeteira do Auditorio
20.30 h. Salón de actos do Auditorio (Rianxo). Libros, Zeca Afonso. Balada do desterro de Teresa Moure e María João Worm.
Zeca Afonso é visto, décadas depois, por duas mulheres. A Teresa Moure, galega, escreve a história; a Maria João Worm, portuguesa, ilustra-a. Ambas sentem fascínio por aquele homem que cantava causas políticas. Mas, entre palavras e silhuetas, ambas tecem uma rede para sustentar um Zeca mais íntimo do que habitualmente os seus camaradas lembram.
Sábado 16 de marzo
20.00 h. Centro Social da Atalaia (Asados). 8M Xornada de cine. Matria.
Martes 19 de marzo
16.30 h. Salón de actos do Auditorio (Rianxo). 8M Charla Muller e saúde. A menarquía.
Sábado 23 de marzo
20.30 h. Sala Arcos Moldes do Auditorio (Rianxo). Cancións amarelas, Flores tristes de Ernesto Is. por Manekineko.
Catro persoas de idades, xéneros, crenzas e realidades socioeconómicas diferentes, coinciden nun karaoke. Ao longo da madrugada, as cancións e o alcohol mestúranse cos medos e cos problemas que as levan a refuxiarse neste lugar, onde constrúen os seus propios paraísos artificiais.
PÚBLICO RECOMENDADO: maiores de 16 anos. DURACIÓN: 70 minutos ENTRADA: de balde. Limitada a 120 prazas. Require reserva previa preferentemente no formulario ou no teléfono 981 100 688. Enlace ao formulario pinchando aquí.
Exposición
Do 02 ao 30 de marzo. Exposición de arte naive, Sentimentos de Karin Kuijper.
A artista Karin Kuijper mostra a súa nova colección baixo o título Sentimentos, esta é a primeira vez que estas pezas son expostas ao público. A holandesa Karin Kuijper, establecida en Rianxo dende hai 13 anos, naceu en Utrecht, nos Países Baixos (Holanda).
