Os concellos da comarca están a traballar arreo para recibir este luns 5 de xaneiro aos Reis Magos de Oriente. En Rianxo celebrarase unha tarde de celebración que arrincará ás 17.30 horas na praza de Castelao cun Belén vivinte con ambientación da Asociación Fogo Fatuo.
Ás 18:30 horas está prevista a chegada dos Reis Magos ao porto de Rianxo, co conseguinte desfile até a praza de Castelao (dende o paseo da Ribeira) con animación de rúa e acompañamento musical con Vai de Roda e a Banda de Gaitas Buxaina.
A continuación, sobre as 19.30 horas, realizarase a ofrenda ante o Belén vivinte e a tradicional recepción oficial na Casa Consistorial.
