O pasado 7 de novembro o Centro de Día de Porto do Son organizou a charla-coloquio Coidando ao/á coidador/a, unha iniciativa dirixida ás familias das persoas usuarias do centro.
O obxectivo foi ofrecer un espazo de encontro, reflexión e apoio mutuo, recoñecendo o importante labor que desempeñan as persoas coidadoras e promovendo o seu benestar emocional
Durante a sesión abordouse a importancia de aprender a coidar sen descoidarse, a xestión das emocións e o estrés, e a necesidade de establecer redes de apoio entre familias que viven situacións similares. A actividade pretende ademais servir como punto de partida para a creación dun grupo de apoio estable, no que as persoas coidadoras poidan compartir experiencias, sentimentos e estratexias que lles axuden no seu día a día.
Organizaron o Centro de Día, o Concello de Porto do Son e a confederación galega COGAMI. Participaron arredor de 15 persoas.
