Esta fin de semana proseguen as funcións da II edición da Mostra de Teatro de Porto do Son, organizada pola Concellería de Cultura.
A axenda terá continuidade este sábado 22 con Furancho “O Pulcro”, un tira de catro sketches interpretados polo alumnado de Mimarte de Porto do Son. A cita dará comezo ás 21.00 horas, e terá entrada de balde. Representarase na Casa da Cultura de Porto do Son. A obra está protagonizada por Magda Pérez, Elvira Romero, Heitor Lage, Lucía Olveira, Mónica Blanco, Paula Vilariño e Alba Peiteado. Trátase dun espectáculo escrito e dirixido por Tania Fuegho.
Axenda ao completo.
A axenda da II Mostra de Teatro comezou o 18 de outubro con Vicio houbo sempre, unha peza de narración oral protagonizada por Atenea García, que recolle historias reais de mulleres maiores de 80 anos sobre o desexo, o pracer e a vida.
O 25 de outubro foi a quenda de Golpes, da compañía aAntena, centrada na historia de Pamela e a aprendizaxe dunha relación que non debía vivir. O 1 de novembro, Gallaecia Eventos presentou Cabaré Climático, e o 8 de novembro, foi a quenda de Máis saaabor!
O 15 de novembro, Talía Teatro representou Un deus salvaxe.
Este 22 de novembro, como dixemos, o grupo local Mimarte presentará Nais en apuros.
A clausura será o 29 de novembro coa comedia D.E.P, de Malasombra.
As obras Vicio houbo sempre, Golpes e Nais en apuros son de entrada libre, mentres que as restantes terán un prezo de 4 euros. As entradas están dispoñíbeis dende o 14 de outubro na Oficina de Cultura (de luns a venres, de 8:00 a 15:00 horas) ou o mesmo día da función, só con pagamento mediante tarxeta bancaria.
