O Concello de Porto do Son, en colaboración coa Escola Galega de Saúde para Cidadáns, organiza este mes de outubro un obradoiro gratuíto sobre alimentación saudábel, dirixido a fomentar os hábitos nutricionais beneficiosos entre a cidadanía e a fomentar a súa calidade de vida. Será o vindeiro 16 de outubro. A formación desenvolverase no local da Asociación de Xubilados de Porto do Son, en horario de 10:30 a 13:00 horas. Cómpre reservar praza (até este venres 10 de outubro incluído) a través do correo electrónico: maria.santos.lemina@portodoson.gal. As inscricións tamén se poden facer online. As prazas son limitadas.
Os contidos xerais do curso tratarán a tipoloxía de alimentos (pirámide alimentaria) e tamén o papel dos hábitos alimentarios no crecemento e desenvolvemento, na saúde e na prevención da enfermidade. Tamén se tratarán recomendacións para unha alimentación saudable e unha formación para aprender a ler as etiquetas de nutrición.
Este obradoiro ten o obxectivo de que as persoas asistentes adquiran beneficios dunha boa alimentación, así como que poidan adquirir coñecementos sobre alimentación que se poidan implementar na vida diaria.
