Esta fin de semana, o sábado 4 de outubro, inaugurouse na Casa da Cultura de Porto do Son exposición Lembranzas e Agarimos do artista Enrique Valero.
Nas obras expostas pódense apreciar as magníficas paisaxes naturais dos montes, ríos e costa de Porto do Son, onde o artista pasa longas tempadas do seu tempo ao longo do ano
Enrique Valero Gutiérrez del Olmo desenvolve a súa actividade profesional como profesor na Escola de Enxeñería Forestal da Universidade de Vigo. Esta é a súa primeira mostra de pintura, arte na que comezou a formarse hai apenas tres anos, exclusivamente na técnica de acuarela
As persoas interesadas en visitala poderano facer do 4 ao 30 de OUTUBRO no seguinte horario:
-Luns a venres de 8:00 a 14:00 horas
-Xoves e venres de 17:30 a 20:00 horas
-Sábados de 10:30 a 14:00 horas
