Este luns teremos unha xornada de transición marcada pola chegada dunha fronte pouco activa durante as primeiras horas do día, que deixará os ceos cubertos e mesmo algunha chuvia illada.
Co avance da mañá, os claros irán gañando terreo, e xa pola tarde os ceos quedarán pouco nubrados ou despexados, aínda que con intervalos de nubes baixas no terzo norte.
As temperaturas experimentarán un lixeiro a moderado descenso, especialmente nos valores mínimos, mentres que o vento soprará frouxo do norte-noroeste, con intervalos de moderado nas Rías Baixas. As temperaturas m´xaimas cehgarán os 25 graos nas rias e 22 no interior.
A partir do martes regresa o tempo estable con suba das temperaturas.
O noso mar; vento do norte á mañá e á noite e do noroeste á tarde, forza 3 a 5 á mañá, 4 a 6 á tarde e 4 a 5 á noite. Forte marusía. Visibilidade regular á mañá e boa á tarde e á noite. Mar de fondo do noroeste, con ondas de 3 a 3.5 metros.
