A XXXIX edición do Ralli Berberecho de Noia xa quece motores, como sinalamos os días pasados dende este medio, salientando o feito de que se vai celebrar a vindeira fin de semana (os días 4 e 5 de abril, sábado e domingo) convertendo a vila noiesa no epicentro galego e estatal do deporte de motor. Trátase da terceira proba do calendario autonómico, con 155 inscritos e miles de afeccionados que encherán os tramos marcados (temos todos os detalles deste importante evento deportivo en GZRally e, por suposto, na web do Ralli Berberecho).
Este ano Rianxo atópase entre os concellos colaboradores desta proba, unha das máis importantes da Federación Galega de Automobilismo. O sábado 5 de abril, a partir das 17:30 horas, celebrarase un agrupamento de participantes na praza Castelao. Logo, os participantes, completarán no municipio a etapa máis longa e tamén a máis decisiva desta edición. Dende o Concello de Rianxo lembran que xa hai 155 pilotos inscritos e miles e que “serán miles os seareiros que encherán a praza Castelao e o tramo rianxeiro para desfrutar da proba”.
