As Rías Baixas e a comarca de Santiago vivirán este sábado 17, unha xornada de transición meteorolóxica, caracterizada polo protagonismo do vento do nordés e unha caída acusada dos termómetros nas horas centrais do día.
Mentres o interior de Galicia —especialmente as provincias de Lugo e Ourense— sufrirá a peor parte da fronte que se retira cara ao leste con chuvascos e tormentas ocasionais, a franxa costeira das Rías Baixas e a área de Compostela gozarán dunha situación máis favorable, con ceos máis abertos e predominio de claros.
O cambio máis evidente percibirse nos termómetros e no ambiente xeral:
- Descenso térmico: As temperaturas máximas caerán de forma moderada a notable, deixando un ambiente fresco para a época, ao que se sumará unha lixeira baixada das mínimas durante a noite e a primeira hora da mañá.(máximas de 18 a 23 graos).
- Vento do nordés: Soprará con forza no litoral das Rías Baixas, con refachos que poderán ser especialmente intensos nas zonas costeiras expostas, mentres que nas comarcas do interior como Santiago e a súa contorna manterase moderado, aumentando a sensación de desabrigo ao longo de toda a xornada.
A influencia das altas presións que tentan entrar polo Atlántico consolidará así un tempo máis seco na franxa occidental, aínda que o vento de compoñente norte marcará un sábado no que cumprirá abrigarse.
O noso mar; vento do nordés, forza 4 a 6 á mañá e á tarde e 5 a 7 á noite. Forte marusía á mañá e á tarde e media vaga á noite. Visibilidade boa. Mar de fondo do noroeste, con ondas de 1.5 a 2.5 metros á mañá e 1 a 2 metros á tarde e á noite.
