O Concello de Outes informou do inicio das obras de mellora dos interiores do lugar de Lagoa, en San Cosme de Outeiro, uns traballos que poñen o foco nos rueiros tradicionais do núcleo (dúas rúas principais) e na súa posta a punto con vistas a incrementar a accesibilidade e a seguridade de vehículos e peóns.
O investimento total do proxecto é de 55.928 € e está financiado polo POS+2022 con fondos da Deputación da Coruña.
O Concello de Outes tamén informou do remate recente das obras de mellora de pavimentación do lugar de Outes (fase 1) e do lugar de Banzas, cun investimento de 47.300 € e 55.000 €, respectivamente. Foron financiadas co Plan de Obras e Servizos (POS+2022 Adicional), da Deputación da Coruña.
