Este venres 27 de decembro déronse cita no Centro Cultural Lustres Rivas as persoas gañadoras das diferentes modalidades do Concurso de Embelecemento do Nadal de Ribeira. Para a entrega das cestas acudiron o segundo tenente de alcalde, Franciso Suárez-Puerta, a concelleira de Promoción Económica Genoveva, Betanzos e a concelleira de Cultura, Antía Alberte. Segundo explicaron, trátase dunha actividade promovida polas áreas de Cultura e Comercio do Concello de Ribeira cun dobre obxectivo: por unha parte favorecer, poñer en valor, incentivar e dinamizar a participación do tecido económico do municipio, hostalería e comercio, nas celebracións de Nadal favorecendo así a promoción das compras nos negocios locais; e pola outra banda animar á veciñanza do municipio a embelecer as súas vivendas nestas datas de Nadal.
Relación de premiados nas diferentes modalidades
Para os galardoados en fachadas, balcóns e xardíns, entregáronse un total de 10 premios, un premio en cada parroquia cunha cesta por valor de 180 € máis un premio especial para a mellor decoración do municipio cunha cesta por valor de 300 €.
Os galardoados e galardoadas para as cestas de 180 € foron:
· Parroquia de Aguiño “As estrelas guíante” Manuel Sampedro
· Parroquia Artes “O Nadal en Artes” Manola Pinazas
· Parroquia Castiñeiras ”O Bosque das ilusións” Manola Vilar
· Parroquia Olveira “La casa de las luces” Carlos Romero
· Parroquia Oleiros “Decoración Nadal Oleiros” Juana Cánibe
· Parroquia Corrubedo “O noso fogar” Judith Sobrido
· Parroquia Ribeira “Abuelo gruñón” Conchi Rodríguez
· Parroquia de “O Nadal en Laxes” Mónica Sampedro
O premio especial desta modalidade cunha cesta valorada en 300 € foi para a parroquia de Castiñeiras con “Soños de Nadal” de Antonio Casanova.
Os galardóns para a hostalería foron para a Caseira e o Cocoluche coas cestas valoradas en 300 € e en 200 €, respectivamente.
Para rematar os premios de decoración dos escaparates para o comercio foron para Teresa Arreglos de Confección e para Mariví Santos Atelier coas cestas valoradas en 300 € e en 200 €, respectivamente.
O acto rematou cunha foto de grupo, as firmas correspondentes e os agradecementos das concelleiras e o segundo tenente de alcalde.
