A Asociación de Mulleres do Barbanza (Mulleres en Acción) convoca unha nova concentración urxente e anti-machista este venres 20 de decembro na praza do Concello de Ribeira, a carón da Columna das Vidas Fendidas, a partir das 20.00 horas. Na cita a organización feminista da nova comarca fará unha mostra de repulsa polo novo asasinato machista perpetrado esta semana en Viveiro (Lugo), baixo o lema Paremos este machismo asasino, paremos esta violencia, as mulleres esiximos vidas libres!. A convocatoria acompáñase dun novo chamamento á participación, non só das mulleres senón do conxunto da sociedade da nosa comarca: “Todas e todos somos imprescindíbeis na loita contra a violencia machista”.
