A Policía Local de Ribeira, en colaboración coa Dirección Xeral de Tráfico, denunciou a dous condutores que superaron amplamente o límite máximo permitido de alcol en aire expirado (0,25 mg/l), alcanzando valores superiores a 0,50 mg/l. Ademais, un deles deu positivo en consumo de drogas e foi sorprendido con 39,28 gramos de haxix e 18,32 gramos de marihuana na súa poder.
A actuación tivo lugar no marco da Campaña de Control de Consumo de Alcol e Drogas, desenvolvida do 16 ao 22 de decembro, durante a cal se controlaron preto de medio centenar de vehículos.
Ambos os condutores enfróntanse a sancións económicas de 1.000 euros e á retirada de seis puntos do seu permiso de conducir. Así mesmo, o condutor que portaba substancias estupefacientes foi denunciado #ante a Subdelegación do Goberno por unha infracción grave da Lei Orgánica 4/2015 de protección da seguridade cidadá. Esta última sanción podería variar entre 601 e 10.400 euros, dependendo da gravidade, segundo informou a Policía Local.
Estas actuacións reflicten o compromiso das autoridades para garantir a seguridade viaria e combater o consumo de alcol e drogas ao volante.
