Mulleres do Barbanza celebrará homenaxes ás mulleres vítimas da violencia machista nas xornadas do 21, o 25 e o 28

21 Novembro 2024

Entre as actividades organizadas pola Asociación de Mulleres do Barbanza (Mulleres en Acción) con motivo do 25N, Día Internacional da Eliminación da Violencia contra a Muller, está a proxección de tres curtametraxes de tres directoras palestinas: Electrical Gaza (2015) de Rosalind Nashashibi, Your father was born a 100 years old, and so was The Nakba (2017), de Razan Alsalah, e The silent protest: Jerusalem 1929 (de 2019), de Mahasen Nasser-Eldin. Trala proxección de cada una delas farase un pequeno debate. Será este xoves día 21 de novembro, no Centro Cultural Lustres Rivas de Ribeira, a partir das 20.00 horas. Trátase dun proxecto de Another Gaze Journal, coa colaboración da cooperativa Numax e BDS Barbanza.

Ademais, o luns 25 de novembro a asociación levará a cabo varias actividades na praza da Porta do Sol (a carón da Igrexa Parroquial de Santa Uxía) de Ribeira e máis na praza do Concello, actividades convocadas para honrar a memoria das vítimas da violencia machista. Contarase (na Porta do Sol) coa colaboración de Somos Human@s Somos Refuxio e BDS Barbanza, a renderase un tributo especial ás mulleres palestinas. Logo a concentración trasladarase á Columna das Vidas Fendidas onde será descuberta unha placa en memoria de Andrea Yturry Alave (moza asasinada este ano pola súa ex parella en Palmeira) e de todas as vítimas da violencia machista.

A maiores, o xoves 28 ás 18.30 horas celebrarase no Centro Cultural Lustres Rivas de Ribeira a proxección do documental No estás sola. La lucha contra la manada, en colaboración co Grupo de Acción do Barbanza de Amnistía Internacional.

Organiza a Asociación de Mulleres do Barbanza (Mulleres en Acción) coa colaboración do Concello de Ribeira.

Outros artigos

Publicidade

Revista en papel

Opinión

“Emerxencia habitacional” – José Manuel Pena

“Emerxencia habitacional” – José Manuel Pena

O Goberno Vasco vén de mercar ao fondo de investimento Blackstone unhas 510 vivendas con destino a alugueiros sociais para familias vulnerables. Estas noticias son as que realmente contribúen ao cumprimento do Dereito á Vivenda, recollido no artigo 47 da Constitución...

“E veu. Daqueles pos, estas lamas” – Antón Luaces

“E veu. Daqueles pos, estas lamas” – Antón Luaces

O Sur de Europa, todo está no Sur: España foi a primeira, Francia a segunda e Italia a terceira. E todo parte dunhas protestas cidadáns que se xustifican nos baixos salarios laborais, nos altos/altísimos prezos do alugueiros das vivendas e a inseguridade ou...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.