O Concello de Muros fixo balance do seguimento acadado pola súa canle de Whatsapp, Muros Hoxe, posta en marcha para achegar a actualidade local á cidadanía, estreitar a comunicación coa veciñanza e, tamén, fomentar a participación na vida municipal. Segundo se fai saber no balance, xa son 500 as veciñas e veciños que seguen a actualidade do Concello a través desta canle tecnolóxica.
Dende o Goberno local explican que entre as novidades que se envían a través de mensaxes no Whatsapp figuran as convocatorias, a axenda de actividades, os avisos urxentes e as últimas iniciativas municipais, entre outras informacións. As persoas que queiran facer uso deste servizo poden agregar o número 626 86 12 70 á súa listaxe de contactos e enviarlle unha mensaxe coa palabra ALTA.
O servizo trátase dunha lista de difusión, polo que os usuarios non terán acceso aos datos ou información do resto dos rexistrados/as na canle de WhatsApp.
