Sanidade baralla a posibilidade de incrementar o persoal médico no Barbanza con facultativos con 2ª residencia na comarca

29 Maio 2024

A Xunta está a avaliar a posibilidade de que facultativos con segunda residencia no Barbanza poidan traballar no verán nos centros de saúde da nosa comarca. O conselleiro de Sanidade, Antonio Gómez Caamaño, informou este 29 de maio, en resposta a unha pregunta parlamentaria, sobre a atención sanitaria no Centro de Saúde de Ribeira e as medidas previstas para incrementar a cobertura das prazas de médicos.

O Centro de Saúde de Ribeira

Gómez Caamaño incidiu en que “a falta de médicos, fundamentalmente nas especialidades de medicina familiar e comunitaria e pediatría, é unha problemática que afecta a toda España”, un problema ante o cal a Xunta está “a buscar solucións imaxinativas e resolutivas”, dixo, apuntando a posibilidade de que facultativos externos acudan puntualmente a realizar xornadas de consultas, ademais de, “en diálogo coas xerencias das áreas sanitarias”, deseñar “plans que permitan cubrir a asistencia aos pacientes ante este falta de profesionais”.

Engadiu que “a atención urxente de todos os pacientes que acoden por doenzas ao Centro de Saúde de Ribeira está garantida, aplicando todas as ferramentas de clasificación de doentes dos que dispón para iso o Servizo Galego de Saúde”. Dixo tamén que “o Centro de Saúde conta coa colaboración e presenza de todo o persoal de enfermería, que fai un labor moi importante no seguimento dos pacientes crónicos e na atención dos agudos”.

Na súa intervención, o conselleiro demandou solucións urxentes ao Ministerio de Sanidade para “cubrir a falta de profesionais sanitarios, un asunto de orixe estatal, posto que o problema vén motivado polo atraso no inicio da formación de xeración MIR no ano 2020, con motivo da pandemia”.

Sinalou que o Goberno de España é “responsábel desa planificación”, polo que “debe afrontar o problema coas comunidades e dar solucións, posto que a poboación necesita médicos no verán”.

Outros artigos

Publicidade

Revista en papel

Opinión

“Paz profesional”. Alberto Barciela

“Paz profesional”. Alberto Barciela

En los primeros días de la Guerra Civil española, contemplando una parada militar en la rúa del Villar de Santiago, preguntaba un paisano a otro: “a ti que che parece todo isto?” El otro le contestó, “por un lado ti xa ves e polo outro, que queres que che diga?” A lo...

“10 años del reinado de Felipe VI” – Manuel Domínguez

“10 años del reinado de Felipe VI” – Manuel Domínguez

Se cumplen diez años del reinado de Felipe VI, el paso de los diez años se nota en su rostro, se nota en que las niñas crecieron, la heredera al tono, ya esta pasando por las fuerzas armadas, mas tarde complementara con otros estudios. La cosa, es la pregunta obvia,...