Porto do Son vai celebrar o Samaín esta fin de semana por partida tripla. Así, ademais da festa terrorífica xuvenil que vai ter lugar no Polideportivo de Santa Irene (este sábado 28 da man da Ludoteca) e da cita festiva que prepara a AEP para o domingo 29, o Local Náutico de Porto do Son tamén vai acoller a súa respectiva festa de Halloween. Organizada pola Comisión Festas do Carme Porto do Son 2023, a festa vén acompañada cun convite á veciñanza a disfrazarse coas “súas mellores galas” e a “desfrutar de fantásticas sorpresas”. Será este sábado 28 a partir das 22.00 horas. Haberá música a cargo de Chocolate Disco Móbil & Radio.
