De novo Portosín vai celebrar ao grande a festa de Samaín (Halloween), que se festexa no punto de inflexión entre os meses de outubro e novembro. A festa virá da man da AEP (Asociación de Empresarios de Portosín) e consistirá nunha quedada terrorífica o vindeiro 29 de outubro, domingo, na praza do Curro, a partir das 16.00 horas.
“Faremos rexurdir dende a ultratumba aos personaxes máis aterradores, para gozarmos xuntas e xuntos dunha tarde terrorificamente divertida”, avanzan dende a AEP, convidando a residentes e visitantes a desfrutar dunha festa onde os relatos da santa compaña e a casa do terror serán os grandes protagonistas.
