Municipais 2023: O PP mellora en Ribeira onde queda ás portas da maioría absoluta

29 Maio 2023

Manuel Ruiz (PP) volverá ser alcalde do municipio coruñés de Ribeira. O popular mellora os resultados de 2019, chegando ao 38,90% do voto e pasando así dos 9 aos 10 edís na corporación.

Os nacionalistas, encabezados por Luís Pérez, foron a gran sorpresa da noite, cunha melloría importantísima ao dobrar os seus resultados. Pérez conseguiu levar ao BNG a segunda forza no municipio, cun 22,40 % dos votos, o que se traducirá nun total de 5 actas no Pleno. Os nacionalistas partían de tan só 2 actas, cun 10% do apoio entre os veciños.

PBBI encabezado por Vicente Mariño, conseguiu un total de 5 edís, converténdose en terceira forza cun 20,98 % do voto.

Pola súa banda, o PSOE de Ribeira, cunha candidatura renovada en Francisco Suárez, finalmente non puido chegar aos votos necesarios para manter os dous edís. Con apenas un 7,47% dos votos, os socialistas quedarán con tan só un concelleiro na corporación de Ribeira.

Unha sorpresa da noite foi o apoio á formación de ultradereita de VOX, que conseguiu 524 votos, quedándose co 3,93% dos electores ribeirenses. Os de Juan José Doval son os únicos que se presentaban en toda a comarca.

Outros artigos

Publicidade

Revista en papel

Opinión

“Enfermedades terminales”. José Manuel Pena

“Enfermedades terminales”. José Manuel Pena

Estos últimos días las visitas al hospital fueron frecuentes para acompañara un buen amigo que se encuentra viviendo unos difíciles momentos por sudelicado estado de salud. Esta circunstancia me abrió un poco más los ojos ala realidad del sufrimiento, el dolor, el...