O Concello de Boiro retoma os encontros veciñais Un café co alcalde nos que o alcalde, José Ramón Romero, e membros do Goberno local se reúnen coa veciñanza das distintas parroquias para atender as principais demandas e solicitudes.
Esta segunda volta de encontros comezará en Moimenta o vindeiro xoves 24 de setembro ás 20.00h na Casa dos Veciños.
Con estes encontros búscase ter un contacto máis directo coa cidadanía e dar a oportunidade aos veciños e veciñas de que trasladen as súas peticións e demandas sen necesidade de ter que desprazarse ao Concello. Estas xuntanzas pretenden servir como complemento das xuntanzas veciñais que o alcalde e demais concelleiros e concelleiras manteñen semanalmente de xeito individual.
