Os novos contaxios de COVID superan os 500 en Galicia e aumentan a 105 os hospitalizados. Unha nova vitima eleva a 2.665 os mortos na Comunidade

A Consellería de Sanidade notificou este xoves unha nova vítima con coronavirus. Desde o comezo da pandemia, o total de falecidos en Galicia elévase a 2.665.

Os novos contaxios de Covid-19 repuntan en Galicia ata os 506, que supoñen máis dun centenar que a xornada anterior, e os hospitalizados por este coronavirus aumentan a 105 –sete máis–, mentres que os casos activos ascenden a 3.573, que constitúen 405 máis. Pola súa banda, a taxa de positividade sobe a un 7,9 por cento no conxunto da Comunidade galega.

A Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia é de 3.573 deles 533 son da área da Coruña, 369 da de Lugo, 936 da de Ourense, 298 da de Pontevedra, 918 da área de Vigo, 328 da de Santiago e 191 da de Ferrol.
Do total de pacientes positivos, 12 están en UCI, 93 en unidades de hospitalización e 3.468 no domicilio. Polo de agora, en Galicia hai un total de 181.237 persoas curadas, rexistrándose 2.664 falecementos.
O número de PCR realizadas é de 2.970.110.
O número de doses de vacina contra a covid-19 administradas é de 4.781.817.
A Xunta continúa a traballar desde a máxima coordinación interdepartamental e co Ministerio de Sanidade, tamén mantendo o contacto con todos os axentes socioeconómicos de Galicia. Neste senso, Sanidade reitera que segue alerta actualizando todas as medidas e recomendacións e en vixilancia permanente.