O Festival Raíces que se celebra no Parque Periurbano de San Roque chegará ao seu remate este sábado 25 de setembro coa actuación de Vane Bolboretiña e Sabela Olivares que achegarán o seu espectáculo A vida dunha castaña, un contacontos musical que levará a grandes e pequenos de volta a mestura entre natureza e cultura.
A actividade celebrarase ás 12 horas no merendeiro do parque e está aberta a toda a xente que desexe achegarse para ser partícipes dunha iniciativa engarzada no proxecto de recuperación do parque.
O Festival Raíces estivo formado tamén pola proposta Elas que a mediados de agosto evocou o tempo das lavandeiras no río Pedrín (a cargo de Rilo & Penadique) e polo exitoso Primeiro Encontro Multicultural celebrado a pasada fin de semana.
