Vero Rilo e Sonsoles Penadique recuperaron no Lavadoiro do río Pedrín o tempo das lanvadeiras

16 Agosto 2021

No marco das actividades impulsadas polo Concello de Ribeira para dinamizar o Parque Periurbano de San Roque, actividades que este domingo 15 de agosto chegaron a un dos seus puntos álxidos co Festival Raíces – O río conta historias, celebrouse un espectáculo ao pé do Lavadoiro do río Pedrín, no mesmo parque, para recuperar a memoria das mulleres que alí desenvolveron o seu labor e alí compartiron e transmitiron historias, saudades e coñecemento. As encargadas de trasladar ás persoas asistentes ao tempo das lavandeiras, cos contos, a música e as cancións do espectáculo Elas, foron as narradoras Vero Rilo e Sonsoles Penadique.

Foi en palabras da organización do evento, “unha homenaxe a todas as lavandeiras e o seu papel no enriquecemento cultural da nosa historia, na que os ríos coa auga levaban contos e novas, na que os lavadoiros, ademais de sabanas o clareo, enchíanse de mulleres que traballando a reo aínda tiñan tempo de sorrir”.

Durante a celebración do espectáculo houbo marxe para converter ás propias protagonistas do mesmo, Vero e Sonsoles, en integrantes do público asistente, grazas á contribución da veciña Bernardina, que tamén quixo compartir as súas historias.

Na cita estivo presente a concelleira de Cultura, María Sampedro.

Máis datos sobre Elas

En Elas, as protagonistas son como dixemos as mulleres, con temáticas que van dende a nosa lingüística arredor do auga até a consideración histórica e social da muller, pasando polo folclore ou a hidrotoponimia. Elas é un espectáculo onde a narración oral mestúrase coa música para dar lugar a unha proposta que lles devolva ás donas dos ríos o recoñecemento que poucas veces tiveron.

Outros artigos

Ambar organizou unhas Xornadas de Formación Xurídica

A Asociación Ambar das Persoas con Diversidade Funcional, con sede principal en Frións (Ribeira) organizou unhas Xornadas deFormación Xurídica abertas á comunidade, ás que tamén asistiron familiares de persoas usuarias do centro e profesionais de Ambar. A actividade...

+

Publicidade

Revista en papel

Opinión

“Non é iso, non é iso trabúcanse”. Antón Luaces

“Non é iso, non é iso trabúcanse”. Antón Luaces

Dende o clásico "pezqueñines no, gracias" dos anos 80 do sèculo pasado, a outras campañas de corte semellante desenvolvidas polo Ministerio de Agricultura, Pesca e Alimentación, os distintos gobernos españois nunca apoiaron con convencemento ao sector pesqueiro,...