“O BNG, contra as cotas de pesca para o cerco” Anton Luaces

27 Setembro 2021

Cadrando coa publicación neste xornal dun artigo sobre a discriminación que padece a frota pesqueira do cerco de Galicia, o Bloque Nacionalista Galego (BNG) ven de dar un paso avante para tentar corrixir esa e outras situacións que marxinan, sen dúbida, aos cerqueiros galegos.

A portavoz de Pesca desa formación polìtica nacionalista, Rosana Pérez, xunto á deputada do Parlamento galego, Carmela González, e a portavoz do BNG en Europa, Ana Miranda, mantiveron un encontro con representantes da Asociación de Armadores do Cerco de Galicia (ACERGA). 

Nesta xuntanza abordaron, entre outros asuntos, a diminución das cotas de sardiña e xurelo, a supresión das exencións no combustible para o sector pesqueiro e as consecuencias da implantación da eólica mariña.Rosana Pérez remarcou a postura do BNG para “declarar non apta a costa galega para a instalación de parques eólicos mariños” dadas as singularidades da frota galega. Lembrou, neste sentido, que o PP e o PSOE abriron “a porta á eólica mariña” malia que o propio Parlamento europeo xa se pronunciou sobre as consecuencias negativas que ese tipo de instalación de aeroxeradores no mar “ten para a pesca”.

Insistiu tamén Rosana Pérez, en que unha das grandes preocupacións do sector “que vive básicamente de especies como a sardiña e o xurelo” e que se ve na obriga de asumir unha cota menor malia o número de embarcaciós, a potencia da súa actividade pesqueira e a ameaza de baixas cotas do xurelo para este ano na Zona 8C.O BNG presentará novas iniciativas no Parlamento galego diante das diferentes problemáticas  transmitidas polos representantes de ACERGA.Ana Miranda criticou o sistema de cotas que, dixo, “non resulta equitativo para a frota galega” e, específicamente, para o cerco. Dixo que dende o BNG van dirixirse á Comisión Europea e á Dirección Xeral de Pesca para lles trasladar as demandas dos responsables de ACERGA.

Explicou Miranda que “o Parlamento Europeo ten a obriga de velar polo reparto equitativo de cotas entre os Estados membros, pero tamén dentro dos propios Estados” e denunciou “o trato de favor no Estado español para unhas frotas en detrimentos doutras”.

Miranda reiterou que o BNG en Europa vai continuar reclamando “un sistema equitativo de cotas para que Galicia non continúe a ser a grande prexudicada neste reparto”.

O feito de que os nacionalistas galegos entren neste vieiro debera conducir, tanto en Europa como en Madrid, a unha seria reflexión sobre o motivo polo que tanto se lle nega a Galicia o papel que, en materia pesqueira, lle corresponde como verdadeira potencia que é neste eido tanto no marco estatal como no comunitario.

Outros artigos

“Cuando el payaso llora” – Manuel Domínguez

Cuando el Payaso llora. A punto de salir a pista, tras las cortinas, los últimos minutos, la tele habla de los niños asesinados en Gaza, el bombardeo cruento del Hospital en Ucrania, tanta muerte inocente. Al payaso le cae una lagrima, recorre su mejilla dejando...

+

“Igualdade e dignidade”. Luís Celeiro

A moitos dos que andan polas alturas da función ou da acción política gústalles falar dorespecto á vontade popular, á que a mesma Constitución de 1978 alude no seu Preámbulo,cando fala de “consolidar un Estado de Dereito que asegure o imperio da lei como expresiónda...

+

“Traé la motosierra, carajo”. Antón Luaces

Que pasa no mundo para que todo quisque estea revolucionado, que é o que fai que, en 2024, se vivan situacións xa coñecidas en 1940 e que, máis de 80 anos dempois, os que xa non temos moito cabelo por peitear sintamos que o que reservamos para o inverno se arriche ata...

+

Publicidade

Revista en papel

Opinión

“Salud mental” – Manuel Domínguez

“Salud mental” – Manuel Domínguez

Puede ser, y tal vez. Estoy aquí, vivo en un mundo real, estamos todos interrelacionados, no somos islas, formamos una comunidad, lo que te afecta a ti, aunque sea de forma tangencial me afecta a mí. Hay un poeta filosofo amigo, que decía,” existen los problemas,...

“La juez Mercedes Alaya”. José Castro López

“La juez Mercedes Alaya”. José Castro López

Sentencia el Tribunal Constitucional (TC) que los que planificaron los ERE enAndalucía no son culpables del mayor escándalo de corrupción de la historia reciente deEspaña que malversó 670 millones de euros.De eso están informando los medios de comunicación, “tabloides...