A veciñanza de Escarabote mantén unha xuntanza coa dirección de Abanca para evitar o peche da entidade

14 Maio 2021

O Concello de Boiro e a veciñanza de Escarabote seguen a traballar para evitar o peche da oficina de Abanca en Escarabote, unha decisión da entidade bancaria que deixaría aos veciños que non conten cos recursos tecnolóxicos e de mobilidade precisos (ben para usar a banca móbil, ben para desprazarse a Boiro) sen a posibilidade de levar a cabo os seus trámites básicos. Con este fin, o alcalde de Boiro, José Ramón Romero, e o concelleiro de Comercio e Industria, Marcos Fajardo, mantiveron na mañá deste 14 de maio unha xuntanza cos directivos de Abanca e a veciñanza de Escarabote.

Na reunión, ademais do alcalde, estiveron presentes o director de zona da entidade, Jesús Soto; representantes da Asociación Club de Xubilados e Pensionistas Aroña de Santiago de Lampón e párroco de Escarabote.

A representación da veciñanza e o alcalde expuxeron á dirección da empresa “a importancia que esta sucursal ten no lugar de Escarabote, por ser un dos núcleos máis poboados do municipio e á que numerosas persoas acoden cada día para realizar as súas xestións cotiás”. O alcalde comunicou á entidade a importancia de manter esta sucursal por ser “un servizo básico para as persoas de Escarabote”.

Os residentes na parroquia de Lampón, da que forma parte Escarabote, xa levan recollidas preto de 600 sinaturas, que lles presentaron á dirección da entidade para solicitar a necesidade do mantemento desta oficina e dos servizos que esta presta no lugar. Fixéronlle saber tamén o prexuízo que ocasionaría para a veciñanza o peche desta sucursal, ao obrigar ás persoas usuarias a desparazarse a Boiro para realizar as súas xestións bancarias.

Outros artigos

Publicidade

Revista en papel

Opinión

“La Confianza” – José Antonio Constenla

“La Confianza” – José Antonio Constenla

En la actualidad atravesando una crisis de confianza, con mil explicaciones, pero ninguna sencilla ni clara, que dificulta la comprensión del mundo en el que vivimos. Un efecto de estos es que los discursos no sintonizan con la realidad en la que estamos inmersos....