O Concello de Boiro aprobou a reorganización do Goberno municipal, facendo cambios nas delegacións que asumen algúns dos concelleiros do Executivo local. A reestruturación tivo que levarse a cabo como consecuencia da renuncia da concelleira Marisa Collazo, e a entrada na Corporación de Raúl Romero Treus.
Raúl Treus asumirá as competencias de Patrimonio, ata o de agora xestionadas por María Outeiral, e a concelleira asumirá Feminismo e Igualdade, que estiveron delegadas en Marisa. Deste xeito, Raúl asume as delegacións de Política Social, Medio Ambiente, Turismo e Patrimonio. Raúl Treus pasa a ser o terceiro tenente de alcalde e tamén membro da xunta de goberno local.
