O Concello de Boiro está a traballar na mellora da seguridade viaria do municipio. Desta forma, os operarios comezaron hoxe a corrixir as zonas máis conflitivas para os condutores e peóns, colocando balizas LED no asfalto e sinalizando os pasos con pouca visibilidade.
Con todo, as zonas máis perigosas son os pasos de peóns da Avenida Constitución, por iso, o Concello de Boiro decidiu suprimir algunhas prazas de aparcamento das medianas e instalou aparcamentos de bicicletas e vehículos de mobilidade persoal, así como espazos para motos.
