A Asociación Boirense de Empresarios (ABE) asinou este 17 de marzo un convenio de colaboración coa Asesoría Enerxética de Galicia 2020 SLU (Grupo AE2000). Este convenio permitirá ás socias e socios da patronal boirense dispor de prezos especiais para o seu consumo de enerxía eléctrica.
A través do acordo, a asesoría convértese formalmente en colaboradora da ABE, achegando á entidade a súa experiencia e coñecemento acerca do sector enerxético, amais dos seus produtos e servizos principais, entre os que se contan os seguintes:
· Control mensual de tódolos subministros.
· Unha oferta conxunta a tódolos asociados de ABE, cun mínimo de tres provedores e presentando as mellores ofertas recibidas.
· Control a cada asociado de ABE unha vez a CNMC cambie os peaxes de acceso previstos para o 2021.
· Coa sinatura deste acordo as empresarias e empresarios de Boiro poderán mellorar a súa competitividade e avanzar no proceso de dixitalización, un proceso que ABE cualifica de “imprescindíbel no contexto actual”.
O acordo foi formalizado por Daniel García, presidente ABE, e Tatiana Santos, xerente da empresa enerxética.
