Non se detectaron novos casos positivos no cribado realizado a todo o persoal traballador da Casa Consistorial de Boiro, polo que o número de afectados mantense en cinco persoas. O Concello confirmou que a atención ao público nas dependencias municipais retomarase o luns, pero recomendase a toda a veciñanza que priorice os trámites telefónicos ou telemáticos.
Todos os departamentos reiniciarán a actividade presencial do cincuenta por cento do persoal nas dependencias municipais e o outro cincuenta en teletraballo para “minimizar así os contactos e reducir as posibilidades de contaxio”, explicou o Concello, que engade que é recomendábel que todas as persoas que precisen facer trámites “empreguen os medios telemáticos ou telefónicos e que só acudan ás dependencias municipais en casos de urxencia e con cita previa”.
