A Xunta de Galicia, da man da empresa Xestur, adxudicou este martes 16 unha nova parcela no parque empresarial de Boiro. Dito terreo é de solo bonificado e ten unha superficie de 2.716 metros cadrados.
O Goberno galego mantén o esforzo para facilitar a implantación de empresas nos solos urbanizados. De feito, esta parcela foi adxudicada a unha empresa que se dedica á fabricación de bolsas e material de embalaxe por un importe de máis de 181.000 euros, despois de aplicar unha bonificación de preto de 75.000 euros.
En xeral, as bonificacións que se aplican na venda de solo empresarial da Xunta de Galicia dende 2015 superan os 64 millóns de euros. Isto supón un importante apoio público á creación de riqueza e emprego por parte das empresas asentadas en Galicia.
