Cancelado temporalmente o mercado dos martes en Boiro

O Concello de Boiro cancela de xeito temporal o mercado que se celebra semanalmente os martes na avenida da Constitución como “medida de prevención de contaxios”. A decisión ten a súa orixe na situación epidemiolóxica actual no municipio, que ten un importante número de contaxios e positivos activos, o que levou ás autoridades sanitarias a declarar o nivel máximo de restricións.

O Concello de Boiro publicou este venres un decreto para a cancelación do mercado semanal dos martes, que ficará suspendido de xeito temporal a espera da evolución do número de contaxios e que a situación epidemiolóxica na que se atopa nestes momentos o municipio mellore. Unha vez o número de casos diminúa, comezarase a autorizar a colocación de postos de xeito progresivo.