Esta finde chega a oitava xornada do Boiro Voleibol

13 Novembro 2020

O Club Boiro Voleibol xogará este fin de semana a 8º xornada da liga. Os pequenos disputarán partidos na Cachada, aínda que tamén se desprazarán a Monforte de Lemos.

O venres ás 18:30 horas haberá tres partidos na Cachada. Enfróntanse o JEALSA CM, o JEALSA XM e o JEALSA XF coas categorías correspondentes do Calasancias Coruña. Mentres, o sábado, xogarán en Monforte de Lemos ás 10:00 horas dous equipos boirenses, o JEALSA IF e o JEALSA XF. O seu adversario será o Ribeira Sacra nas diferentes categorías. Ás 12:00 horas disputarase o partido entre o JEALSA CF e o Ribeira Sacra.

Ademais, este fin de semana acolle un partido da Superliga de Voleibol Masculina. Xogan o sábado ás 19:00 horas na Cachada, o Rotogal contra o Ube L´Illa Grau. Un partido axustado que poderán ver os abonados, despois de notificar a súa asistencia en gestion.boirovoleibol@gmail.com

O máis importante é non esquecer as medidas de seguridade. O uso de máscara é obrigatorio en todo momento, así como o xel hidrolóxico cada vez que os deportistas soben ao autobús para desprazarse. Ademais, os xogadores deberán sentarse no mesmo asento tanto na ida como na volta e respectar a distancia de seguridade.

Outros artigos

Publicidade

Revista en papel

Opinión

“Meus irmáns” – Xulio Xiz

“Meus irmáns” – Xulio Xiz

Fóronse meus dous irmáns: Mato, o maior, e Santi, o pequeno. O maior, morreume hai unhas semanas. O máis novo, o día do Pai. Se Xesús tivo vida longa e froitífera, Santi foise moi cedo despois de poñer unha pica en Bristol. Os tres somos tamén agora irmáns en terra:...