O pleno ordinario do mes de outubro no concello de Ribeira aprobou esta tarde o martes de Entroido e O Carmen como festivos locais para o ano 2021. A proposta do executivo local contou co apoio do partido do goberno e do PBBI e logrou 16 dos 21 concelleiros.
Fronte a esta proposta os demais partidos propuxeron distintas alternativas. Así os socialistas propuxeron como festivos locais o 24 de xullo, Festa da Dorna, e o 16 de xullo, adicado a Nosa Señora do Carme, como homenaxe aos mariñeiros en particular, e a todo o sector do Mar en xeral, que tanto sufreu, e sigue sufrindo, co impacto económico que está supoñendo a pandemia COVID-19.
Os outros partidos con presenza na corporación presentaron distintas propostas e así o BNG propuxo o martes de entroido e a dorna, SumaRibeira apostou polos festivos locais da Festa da Dorna e San Xoán. O PBBI decidiu apoiar a proposta do executivo local.
