SumaRibeira aposta polos festivos locais da Festa da Dorna e San Xoán

22 Outubro 2020
Xurxo Ferrón, voceiro de SumaRibeira

A agrupación SumaRibeira presentou un comunicado relativo ás peticións da Real e Ilustre Cofradía da Dorna para que o Concello siga a declarar festivo local o día grande dos festexos dorneiros, o 24 de xullo. Segundo fai saber a agrupación, “a festividade da Dorna debe respectarse e potenciarse á hora de outorgarlle preferencia como festivo local”.

A plataforma cidadá que impulsa Xurxo Ferrón declara tamén que “por sorte para a cidade e grazas ao gran traballo desenvolvido ao longo de moitos anos pola xente de Ribeira, e especialmente por distintas xeracións da mocidade ribeirense, a Dorna é a festa por excelencia da nosa localidade”. Tendo en conta isto, engaden, “parécenos incuestionábel que é hoxe un valor importante en distintos aspectos (festivo, económico, cultural, turístico) que, máis alá doutras respectábeis consideracións, debemos coidar con agarimo e potenciar”.

SumaRibeira recoñece que en condicións habituais debería defenderse como segundo festivo o Martes de Entroido, “pero pensamos que co contexto da pandemia é moi probábel que as medidas de prevención da saúde comunitaria teñan que limitar en gran medida as posibilidades da importante celebración popular que habitualmente acompaña o noso Entroido, por iso pensamos que este ano é conveniente substituír o Martes de Entroido pola festividade de San Xoán o xoves 24 de xuño, festa popular na que se dá unha coincidencia de festexos entre a do propio santoral e a ancestral celebración arredor do solsticio de verán”.

Tendo en conta estes argumentos, o grupo presentará unha emenda á proposta do alcalde (16 de febreiro Martes de Entroido e venres 16 de xullo festividade da Virxe do Carme) e substituíla pola consistente en determinar como festivos locais o San Xoán e a Festa da Dorna.

Outros artigos

Rosana Pérez reclama máis solo industrial na comarca do Barbanza

A deputada do BNG Rosana Pérez vén reclamar no Parlamento máis superficie industrial para O Barbanza, ao tempo que lembrou a “escaseza clamorosa” de solo empresarial en Barbanza Arousa, onde os catro parques empresariais existentes (Ribeira, A Pobra, Boiro e Rianxo)...

+

Publicidade

Revista en papel

Opinión

“España no va como un cohete”. José Castro López

“España no va como un cohete”. José Castro López

La Comisión Europea eleva al 2,1 por cien el crecimiento del Producto Interior Bruto(PIB) en 2024, cuatro décimas por encima de pronósticos anteriores, prevé que Españacumplirá el objetivo del 3 por cien del déficit que exigen las reglas fiscales, espera quecontinúe...