A Asociación Boirense de Empresarios vai celebrar ao grande o remate final das rebaixas. Farao esta semana cunha campaña de promoción comercial para os seus asociados: unha iniciativa que ten como obxectivo liquidar os stocks dos comercios nas propias tendas. A campaña desenvólvese baixo o nome de Stocks Fóra Boiro entre o 27 e o 29 de agosto.
Os comercios, durante estas datas, terán sinalizados os produtos que se porán a venta a prezos de liquidación cos carteis elaborados de xeito específico para esta campaña, co fin de “que o cliente identifique claramente os produtos”, informa a ABE, engadindo que con esta iniciativa “porase o punto e final ás rebaixas de verán e os clientes poderán adquirir produtos a prezos súper rebaixados no remate final da campaña ademais de poder ver xa nas tendas o adianto da campaña de outono”.
