A área de Cultura de Boiro brinda actuacións culturais diversas, descentralizadas e seguras

08 Xullo 2020

O Concello de Boiro mostrou este mércores 8 os detalles da súa programación cultural para o verán, unha axenda na que leva semanas traballando arreo o equipo da área municipal de Cultura, tentando brindar actividades para todos os públicos e, por suposto, adaptadas ás esixencias da actual situación de risco sanitario. Á presentación da programación asistiron a concelleira de Cultura, Maria Outeiral, e os técnicos do departamento, Alberto García, Manola Ferreirós e Pitusa Lomba. Segundo coincidiron, buscouse, dentro das limitacións marcadas pola necesidade de asegurar a saúde da poboación, a máxima diversidade tanto nas temáticas das actividades como nos espazos elixidos para acubillalas.

O programa de accións previstas, que comeza a vindeira semana e prolóngase até o mes de setembro, abrangue espectáculos con artistas e grupos locais e, tamén, con compañías de fóra, grazas á rede de espectáculos da Deputación da Coruña da que o Concello de Boiro forma parte.

Poñéndose a fodo co programa, o equipo boirense de Cultura salientou actuacións de narración oral, como contacontos, e tamén espectáculos de rúa, musicais e de animación. Tamén destacaron as actuacións de grupos locais “coas que se pretende apoiar e dar un impulso ao tecido cultural de Boiro neste ano complicado para todos eles”, afirmou a concelleira María Outeiral.

As actuacións serán todas de pequeno formato e vanse celebrar en diversos lugares singulares en todo o municipio, coa “intención de fusionar cultura e paisaxe”, explicaron, engadindo que haberá actuacións e espectáculos en lavadoiros, como o da rúa Bao ou o da Boliña, na praza de San Ramón de Bealo, en praia Xardín, en Cabo de Cruz, en Abanqueiro, etc.

O obxectivo: descentralizar os espectáculos.

Todos os espectáculos serán de pequeno formato e pensados para aforamentos limitados e “controlando sempre as recomendacións e medidas hixiénicas”, explicaron a maiores.

Outros artigos

Publicidade

Revista en papel

Opinión

“Un poeta llamado Sémper”. Xosé Antonio Perozo

“Un poeta llamado Sémper”. Xosé Antonio Perozo

El mimetismo positivo del correligionario con el líder es un fenómeno en desaparición. Puede ser debido a dos circunstancias. Una, la falta de carisma de la mayoría de los dirigentes políticos de nuestros días. Dos, la proliferación y diversificación de sus presencias...

“Mi Buenos Aires querido…”. José Castro López

“Mi Buenos Aires querido…”. José Castro López

Mientras escribo suena “Mi Buenos Aires querido” en la voz de Carlos Gardel, elinmortal interprete del tango, la expresión artística única que refleja la identidad deArgentina y de su gente.Mi primera noticia de Buenos Aires se remonta a la ya lejana infancia cuando...