A Garda Civil de Tráfico de Santiago imputa un delito contra a seguridade viaria a un condutor pobrense que deu positivo nas probas de alcoholemia que se lle practicaron tras sufrir ao redor das dúas e cuarto da madrugada do pasado mércores un aparatoso accidente de tráfico.
A Benemérita informou que someteron á proba de detección se drogas ao devandito condutor duns 40 anos que, tal e como adiantamos no Barbanza, sufriu unha aparatosa saída de vía pola marxe dereita do seu vehículo, un Seat Eivissa, no quilómetro 35,800 da estrada comarcal AC-305, de Padrón a Ribeira, ao seu paso polo núcleo de poboación de Palmeira.
O coche colisionou contra un contedor de lixo e chocou contra un peche e acabou envorcando sobre dous vehículos que estaban estacionados, un Mercedes e un Citroën C4 Picasso, que sufriron importantes danos. As taxas de alcol arroxadas por ese automobilista foron de 0,61 e 0,57 miligramos. Tanto o condutor do vehículo como a acompañante, unha muller duns 24 ano, resultaron feridos leves, aínda que só ela foi evacuada por unha ambulancia do 061 ao Hospital do Barbanza.
