Un aparatoso accidente en Palmeira sáldase con dúas persoas feridas de carácter leve

03 Xuño 2020

Os dous ocupantes dun vehículo resultaron feridos, de carácter leve, despois de envorcar o vehículo no que viaxaban e chocar contra uns contedores ao saírse da vía.

O accidente ocorreu, ao fío das 02:15 horas, desta madrugada, na localidade de Ribeira, en Palmeira, concretamente, cando o vehículo circulaba á altura da curva da Taravela.

Tras recibir a chamada de varios alertantes, que indicaban que os ocupantes podían estar atrapados no interior do turismo, o 112 Galicia ademais de informar aos servizos sanitarios de urxencia, alertou aos Bombeiros de Ribeira e de Boiro. Igualmente, os xestores de emerxencias  deron conta dos feitos aos axentes de Tráfico e da Policía Local.

Tras chegar ao punto, os axentes da Policía Local confirmaron o aparatoso que foi o accidente. Tratouse dun único coche que saltou un desnivel dunha estrada a outra e rematou envorcando sobre outros turismos que estaban estacionados.

Debido ao impacto, o vehículo sinistrado perdeu líquido que quedou espallado pola estrada, por iso, os Bombeiros, tras ser evacuados os feridos, procederon a limpar a vía.

Segundo se lle informou ao 112 Galicia, dos dous ocupantes feridos, só un deles foi trasladado polos servizos sanitarios de urxencia.

Pasados uns minutos das 04:30 horas, os Bombeiros de Ribeira comunicaron ao 112 Galicia que os vehículos danados xa foran retirados e que estrada quedaba totalmente limpa.  

Foto bombeiros de Ribeira

Outros artigos

O Concello de Ribeira reforza o alumeado público na rúa de Galicia

O Concello de Ribeira informou dun reforzamento do alumeado público nalgunhas contornas do centro urbano da cidade, concretamente no treito da rúa Galicia comprendido entre o Mercado Municipal e o cruzamento co Parque García Bayón. Segundo informaron fontes do...

+

Publicidade

Revista en papel

Opinión

“Cadaquén coa súa idea”. Luís Celeiro

“Cadaquén coa súa idea”. Luís Celeiro

Fóronse onte pola madrugada e arestora aínda non chegaron. Montaron nun avión para ir a “non seionde” e, despois, un tren de longo recorrido levaríaos a outro aeroporto,  para seguir o seuprograma de turismo ofertado por unha das máis importantes axencias de turismo...

“Good morning, Baltimore”. Antón Luaces

“Good morning, Baltimore”. Antón Luaces

Este xoves foron recuperados outros dous cadáveres supostamente doutros tantos obreiros da maior infraestrutura marítima de Baltimore, considerada a de máis lonxitude de Estados Unidos, que foi derrubada o pasado martes polo portacontedores "Dalí", que bateu contra a...