O corpo sen vida dun octoxenario desaparecido na tarde do xoves en Boiro foi encontrado na mañá de hoxe venres por particulares.
O Centro Integrado de Atención ás Emerxencias (CIAE) tivo coñecemento do suceso ás 21:15 horas deste xoves. Segundo a información facilitada aos xestores do 112 Galicia, o home desapareceu ás 16:00 horas desa mesma tarde.
Ao tratarse dunha zona de difícil acceso e escasa visibilidade debido ás condicións meteorolóxicas, a Garda Civil solicitou hoxe a colaboración do equipo de drons do Grupo de Apoio Loxístico (GALI) da Axencia Galega de Emerxencias (AXEGA). Deste xeito, as aeronaves do GALI, en colaboración coa Unidade Pegaso da Garda Civil da Coruña, uníronse esta mañá ao operativo para tratar de localizar ao desaparecido.
Desafortunadamente, o varón foi localizado falecido por veciños da zona ao fío das 11:30 horas de hoxe.
Cómpre sinalar que ata o lugar tamén desprazáronse os membros de Protección Civil de Boiro e, desde o 112 tamén pasouse aviso a Policía Local.
