Os nosos concellos celebran o Día de Rosalía en clave poética, feminista e gastronómica

24 Febreiro 2020

A nosa comarca celebra hoxe, 24 de febreiro, algo máis que o Entroido: celebra a importancia cultural, social, histórica, poética e igualitaria de Rosalía de Castro. E faino este 24 (data do nacemento da poeta galega en 1837) cun completo programa de actividades que rebordan a xornada e caen noutros días sinalados deste mes de febreiro.

É o caso de Ribeira, que xa adiantou os actos de celebracións para que coincidiran coa actividade escolar e acadar así a máxima implicación dos centros docentes (uns actos nos que participaron máis de 500 nenas e nenos de Primaria e que viñeron acompañados da obra de teatro Rilla Rilla, a cargo de Xarope Lulú, lecturas de poemas e cancións) e Rianxo, que artellou o programa conmemorativo en dúas xornadas: a de hoxe (cun Caldo de Gloria que se pode degustar nunha manchea de locais da vila e a súa contorna) e a do 27 de febreiro (con reparto de poemas nos locais, celebracións na praza de Padrón a partir das 10.30 horas, ofrendas florais e lecturas e música a cargo do alumnado do IES Félix Muriel).

Polo que se refire á Pobra, tamén ofreceu un programa conmemorativo ao que lle quedou pequena a xornada de hoxe, 24 de febreiro. Os actos foron impulsados pola asociación Arrancadeira e o Concello e concentráronse neste domingo 23, no Cantón da Leña, onde se degustou o tradicional Caldo de Gloria (inspirado no poema Miña casiña, meu lar, onde a autora explica como facer un caldo humilde e no que se relata a épica diaria da supervivencia) e acompañáronse as homenaxes de música e baile tradicional, coa participación de Argalleiros de Santiago.

Hoxe procederase na Pobra ao desenvolvemento dun acto institucional no que se efectuará a lectura dun manifesto e ofrenda floral na praza de Rosalía de Castro, a partir das 13.00 horas.

Polo que respecta ao concello que conecta O Barbanza coa contorna do Sar, o concello de Dodro, tamén informou os días pasados dun destacado programa de homenaxes, que se desenvolveu a fin de semana e que culmina hoxe, 24 de febreiro.

Outros artigos

Publicidade

Revista en papel

Opinión

“Enfermedades terminales”. José Manuel Pena

“Enfermedades terminales”. José Manuel Pena

Estos últimos días las visitas al hospital fueron frecuentes para acompañara un buen amigo que se encuentra viviendo unos difíciles momentos por sudelicado estado de salud. Esta circunstancia me abrió un poco más los ojos ala realidad del sufrimiento, el dolor, el...

“Mellor é falar”. Luís Celeiro

“Mellor é falar”. Luís Celeiro

Moitos dos lectores lembran como era aquelo de chamar por teléfono aos parentes deMadrid ou de Barcelona, ao noivo de Lleida ou de Cádiz, ao veciño emigrante en Suíza ou encalquera lugar industrial de Alemaña. Moitos aínda se acordan hoxe daquel teléfonoparroquial que...