Dodro incorporase “As pegadas de Rosalía”

18 Febreiro 2020

O Concello de Dodro traballa na recuperación da Ruta Rosaliana deseñada, nos anos 80, polo escritor Avelino Abuín de Tembra co obxecto de homenaxear á poeta Rosalía de Castro, referente fundamental da nosa lingua e literatura e poñer en valor aqueles lugares máis singulares que marcaron a súa vida e obra .
Con esta finalidade a Concellería de Cultura e Patrimonio de Dodro incorporouse ao labor iniciado no ano 2017, no marco proxecto “As Pegadas de Rosalía”, polos concellos de Ames, Brión, Santiago e Padrón, que tamén integran a Ruta Rosaliana.
Entre as actuacións previstas no proxecto inclúese a celebración do Día de Rosalía, o 24 de febreiro, coincidindo coa data do aniversario da poeta, mediante a realización de dúas actividades que contarán coa participación do sector hostaleiro de Dodro e coa colaboración da Fundación Rosalía de Castro.
Estas actuacións desenvolveranse de xeito simultáneo e coordenado nos municipios da Ruta Rosaliana, durante a fin de semana do 22 e 23 de febreiro, estendéndose ata o luns 24, Día de Rosalía. Datas nas que os establecementos hostaleiros ofertarán á poboación dúas experiencias, “Café con verso” e “Caldo de Gloria”.
No caso do “Café con verso”, o Concello de Dodro proporcionará aos distintos locais, de xeito gratuíto, unha serie de tarxetas ilustradas coa imaxe da poeta, que recollan algúns dos versos máis significativos da mesma para agasallar ás persoas que realicen unha consumición de café.
O “Caldo de Gloria” é unha actuación inspirada no poema “Miña Casiña, meu lar”, no que a poeta explica como facer un caldo sinxelo. Neste caso, grazas á colaboración coa Fundación Rosalía de Castro, o Concello de Dodro distribuirá entre os establecementos participantes – que ofrezan como tapa un caldo baseado nesta receita – uns salvamanteis de papel, ilustrados co citado poema, para repartires entre a súa clientela.
A Concellería de Cultura e Patrimonio de Dodro traballa na actualidade, dunha banda, na edición duns materiais divulgativos e na actualización da web do proxecto As Pegadas de Rosalía, a fin de visibilizar a importancia do Pazo de Hermida, de Lestrobe e de Dodro na traxectoria vital e literaria de Rosalía de Castro e doutra, coordina novas actuacións xunto co resto dos municipios integrantes da Ruta Rosaliana para o mes de marzo e o mes de
maio, coincidindo coa celebración do Día da Muller e das Letras Galegas.

Outros artigos

Mellora das paradas de autobús na comarca en Dodro, Rois e Padrón

As obras de mellora da accesibilidade en 63 paradas de autobús en estradas autonómicas na zona sur de Santiago, realizadas pola Xunta cun investimento de 1,8 millóns de euros, alcanzaron xa un progreso do 25%. Estas accións forman parte dun contrato máis amplo que...

+

Publicidade

Revista en papel

Opinión

“Plácido Vila”. Xulio Xiz

“Plácido Vila”. Xulio Xiz

Vivo na Milagrosa, onde hai tempo entrar no recinto murado era “ir a Lugo”, e agora – integrados mesmo nominalmente – o que antes parecía distante, a paso setentón faise en vinte minutos, e trinta se temos a ousadía de levar o coche. O centro de saúde da rúa...

“Ser joven en España”. José Castro López

“Ser joven en España”. José Castro López

La mayoría de las sentencias judiciales pasan desapercibidas. Otras, sin embargo, sonmuy llamativas porque el veredicto recae sobre aspectos muy sensibles de la vida socialo familiar. Como ha ocurrido en Italia.Hace unos meses un tribunal obligó a dos hombres de 40 y...